Iker Vicentek Urrezko Kopa irabazi du berriro Trinitate plazan

2026/08/15

Iker Vicente aizkolari nafarrak Urrezko Kopa irabazi du gaur Donostiako Trinitate plazan, eta, aurreko edizioan lortutako garaipena berretsi du horrela.

Vicentek 31’47’’53ko denborarekin osatu du proba, eta nagusitasunez gailendu da berriz ere egungo aizkolari onenetako batzuk bildu dituen norgehiagokan.

Julen Alberdi bigarren izan da, 33’14’’67-ko denborarekin, eta Mikel Larrañaga hirugarren, 33’59’’01-ko markarekin. Hodei Ezpeleta laugarren sailkatu da, 34’56’’29-ko denborarekin. Bosgarren postuan Xabier Zaldua geratu da. Lehiaketa honetan lehen aldiz parte hartu du, eta 42’33’’11-ko denborarekin amaitu du proba.

Horrela, Trinitate plaza Aste Nagusiko hitzordu nabarmenetako baten eszenatoki izan da berriro ere, aizkolariak protagonista izanik eta Iker Vicente bere palmaresari beste garaipen bat gehituz.