Fully Fused Fireworks

Iaz gure lehiaketan programatuta zegoen Fully Fused pirotekniak ezin izan zuen tiro egin eguraldi txarra zela eta, gure hirira itzuli da, donostiarrei atsegin emateko itxaropenarekin. Fully Fused Fireworks piroteknia 40 urtetik gorako esperientzia duen enpresa da, eta ibilbide luzea egin du Erresuma Batuan zein nazioartean. Lehen aldiz izango dira Donostian. Fully Fused Fireworks enpresak lankidetza estuan dihardu Erresuma Batuko eta Europa osoko beste enpresa pirotekniko batzuekin. Enpresako diseinatzaile buru Cliff Stonestreet bera Italiako eta Espainiako su artifizialen diseinatzaile eta fabrikatzailerik onenekin prestatu zen, eta haren sorkuntzek estilo mediterraneo nabarmena dute.

Fully Fused Fireworks piroteknietxeak su artifizialen ikuskizun asko egin ditu azken 40 urteetan, eta arrakasta handiak lortu ditu, besteak beste, Monakon Su Artifizialen jaialdia irabazi duen Erresuma Batuko lehen konpainia izatea, Macaon eta San Remon txapeldunorde izatea eta Estonian eta Espainian lehiatzea. Piroteknia eta su artifizialen erakustaldi gogoangarriak, neurrira egindakoak, zirrara handikoak eta ikusleak emozionalki erakarriko dituztenak eskaintzea da enpresaren pasioa.

Babesleak